Cu hopi satisfaccion despues di un exitoso proyecto, Aruba Tourism Authority y Serlimar ta anuncia e ultimo edicion di e projecto “Containers den Bario”. Pues diadomingo awor 18 di December, Paradera ta na turno. E sitio exacto lo ta e parkeerplaats di Centro Deportivo Rooi Afo. E horario lo ta di 8’or di mainta pa 2’or di atardi. Corda probecha awor y no warda te ultimo ora pa cuminsa cu e limpiesa mas grandi di aña!
Milieustraat
Cu e generoso sosten di ATA, dicho proyecto un biaha mas ta wordo ehecuta door di Serlimar den e concepto di un “milieustraat” of “caya di medio ambiente”.
Serlimar ta imensamente agradecido di por a conta un biaha mas cu e apoyo financiero di Aruba Tourism Authority pa haci e “milieustraat” un exito total.
En breve, e “Caya di Medio Ambiente” ta ensera e deposito di grofvuil den container specialmente pa e publico general.
Grofvuil ta encera e siguiente desperdicio di cas: desperdicio di cas general y artefactonan grandi manera wasmachine, meubles bieu y como tambe desperdicio di hardin (mata, yerba, troncon etc.). Lo ta bay tin supervisors presente na tur momento, specialmente pa dirigi y asistibo den esaki y nos ta conta cu e cooperacion di un y tur.
Lo ta bay tin opzichternan presente na tur momento, specialmente pa dirigi y asistibo den esaki y nos ta conta cu e cooperacion di un y tur.
Pa mas informacion, comunica libremente na 5245080 of busca nos riba facebook.