Dabienra ta e ultimo dia cu ciudadanonan tin oportunidad pa cumpra Bingo di Koninging Wilhelminafonds.
E Bingo aki ta tuma luga online y esnan cu participa por sigui esaki despues di 7.30 di anochi na Canal 48 of Bo Guia.
KWF a organisa e Bingo aki como un forma pa recauda fondo pa tur e actividadnan cu nan ta realisa pa yuda y duna guia na pashentnan di cancer y nan famia. Ultimo dos añanan nan a confronta hopi dificultad pa haya fondo pa sigui haci e trabou na bienestar di nan clientenan.
Un apelacion ta bay na comerciantenan y pueblo pa haci uzo di e ultimo chens pa contribui cu e Bingo di KWF. Por haya carchi cumpra ainda na Shaba Pastry.