TURIN, Italia- Cristiano Ronaldo lo mester sinta un wega di castigo. Esaki a wordo dicidi door di UEFA pa e Comitee di Disciplina di UEFA. Esaki ta bin despues di a wordo expulsa di un wega den e prome rond di e Champions League, unda cu Juventus a enfrenta Valencia, pa cual e Portugues lo perde e siguiente partido contra di Swiss Champions Young Boys, cual partido lo tuma luga dia 2 di october proximo.
Sin embargo, Ronaldo lo ta disponibel atrobe pa e encuentra di Juventus contra di Manchester United, cual lo wordo disputa na Old Trafford pa di tres rond di grupo H.
E hungado estrella di Juventus a wordo expulsa despues di mei ora di wega contra Valencia, unda cu e ekipo Italiano a bay cu e triunfo cu e marcador di 2-0, despues di a dal den e defenson Colombiano, Jeisson Murillo, den cabes.
Despues di e accion polemico aki, e refree a consulta cu su linesman, cual a pone cu el a saca carchi cora pa e hungador Luso. Esaki ta e prome expulsion di Cristiano despues di 154 partido hunga den e Champions League.