Bruselas, BELGICA (UE)- Un alto representante di Union Europeo (UE) pa Politico Exterior, Federica Mogherini, diamars a urgi Nicaragua pa “pone un fin inmediato” na violencia, represion y e detencionnan ilegal. Y pa respeta libertadnan fundamental.
Mogherni a informa den un comunicado cu el a manda un carta pa e minister di Exterior Nicaraguense, Denis Moncada, “relaciona cu e deteriorio di e situacion den e pais”.
El a enfatisa na su colega Nicaragüense cu UE “ta spera cu lo pone un fin inmediato na violencia, represion y detencionnan arbitrario, pa respeta libertadnan fundamental”.
E declaracionnan di Mogherini ta bin na momento cue canciyernan di UE y Comunidad di Estadonan Latinoamericano (Celac) ta reuniondo na Bruselas. E dos canciyernan aki den nan declaracion no a haci mencion di e situacion di e pais centroamericano.
Diaranson ta cumpli tres luna desde cu e manifestacionnan a cumisna na Nicaragua, inicialmente tabata contra e reforma di e pensionnan y despues a evolucion den protestanan masivo contra di e gobierno di Daniel Ortega. E violencia a laga mas di 350 persona morto y 1830 herido.