Reino: E comision Europeo a autorisa e transferencia di casi 4.2 biyon euro den e fondo di sosten special pa e recuperacion y reconstruccion di Ucrania. Awor ta keda na lidernan di gobierno Europeo pa vota riba dje.
Si e hefenan di gobierno di Union Europeo ta di acuerdo, un total di 12 biyon di placa Europeo a wordo poni disponibel desde creacion di e fondo di sosten.
“Ucrainonan mester di scolnan y hospitalnan cu ta funciona, acceso na awa y coriente, trein, caminda y brug pa tene e pais core,” Presidente di Comision Europeo Ursula von der Leyen a bisa.
Ucrania mester cumpli cu condicionannan pe-acorda prome cu e 4.2 biyon wordo paga den e fondo di sosten. Te awor, Ucrania a cumpli cu e condicionnan.
“Apesar di tur e dificultad, Ucrania ta realisando reformanan importante pa recupera y sigui riba e caminda pa Union Europeo,” Von der Leyen a bisa. E tin confiansa cu lidernan di gobierno lo bay di acuerdo cu e pago extra.