SAN JOSE, Costa Rica- Gobierno di Costa Rica diamars a pidi e plataforma di transporte Uber pa stop cu su actividadnan den e pais. Esaki lo ta pa mientras tanto ta regula e actividad di e plataforma tecnologico di transporte di pasahero.
E conseho di gobierno a acorda ‘a urgi e empresa Uber y otro companianan cu ta opera plataforma tecnologico den e presentación di servicio di transporte publico di personanan, pa bandona su operacion te ora cu modernisa e marco legal pa e transporte di persona.
E yamada di e gobierno a wordo ricibi cu grito di alegria di taxistanan congrega den e cercania di e presidencia.
Taxistanan a mantene un presion intenso riba gobierno pa e stop Uber di opera.
Pero Uber a informa di lo sigui opera a pesar di e yamada di gobierno.