Un Universidad cu ta resalta ta depende di studiantenan y programanan cu ta resalta y ta di nivel halto. Y pa e motibo aki un biaha mas e oficina encarga cu Asuntonan di Studiante di Universidad di Aruba, OSA y e studentenraad SUA a coordina reconocimento na studiante, docente, staff y organizacionnan estudiantil cu mas a resalta den e aña academico 2016-2017. E ceremonia a tuma luga den un Aula di Universidad di Aruba completamente yen, no solamente di e studiantenan nomina, pero tambe nan colega, docente, como tambe Rector di Universidad di Aruba, Dr. Glenn Thode.
E anochi tabata pertenece sinembargo na esnan cu a resalta tanto na nivel comunitario y servicio como tambe na nivel academico. E studiantenan cu a resalta pa nan tesis di graduacion tabata :
Kayleigh Pawironadi di e facultad di FAS-wiskunde
Felishah Ponson di e facultat di FAS-Social Work & Development
Fancis Malca Caceres di e faculdad di Derecho
Mandy Lacle di e faculdad di FAS-Organization,Governance and Management
Marleen Stevens di e Faculdad di Finance, Accounting y Marketing
E MC nan di e anochi Kimberly Dowers y Michelle Lont a gradici e representantenan di e tres organisacionnan activo na Universidad di Aruba, pa asina expresa gratitud pa nan actividadnan. Ta trata aki di Kiwanis Circle K International, Studentenraad Universiteit van Aruba (SUA), y University of Aruba Toastmasters Club.
Despues a sigui presentacion di e premionan di Liderasgo di Studiante cu sigur a lanta hopi atencion.
E ‘Student Leadership awards’ ta reconoce lidernan mey mey di studiantenan cu a percura pa hisa e nivel e estudio tanto pa den como pafo di e murayanan di Universidad di Aruba. Liderasgo den forma di acepta un responsabilidad y duna cuenta pa e responsabilidad aki, sa ki ora pa guia y ki ora pa sigui y tin e deseo pa trece cambio positivo tanto den comunidad como na mundo. Pa a keda nomina e studiatenan mester a demostra compromiso na e balornan di husticia, actua segun un concepto propio fuerte; pensamento critico y creativo; tuma risiconan voluntariamente; comunica efectivamente; eherce poder apropiadamente, un sentido positivo di direccion; y inspira speransa.
E nominadonan tur a keda presenta pa e propio studiantenan mes, e facultadnan y e personal, cu despues ta pasa pa un comision di seleccion.
Esnan cu a sobresali ta:
Karel Arends di e faculdad di Tourismo (FHTMS)
Jurney Tromp di e faculdad di derecho (FdR)
Kaylin Palm di e Academic Foundation Year
Robin Lake di e facultad di Finance,Accounting & Marketing (FEF)
Michelangela Kelly di FAS-Wiskunde
Sinthya Ridderstaat di e FAS-OGM
Josette Burke di FAS-SW&D
Jonathan Henriquez, Joshua Arridell y Dahariana Evertsz a ricibi un homenage pa nan trabou di e ultimo dos aña cu a sostene y yuda organisa diferente actividad pa henter e polulacion di studiante na Universidad.
Despues e presidente di e Student Council (SUA), Señorita Milaynie Kelie, a introduci un homenahe na tur e docente y miembro di personal pa nan trabou ehemplar. Docentenan cu a wordo homenahea.
Micheline Bury (FdR)
Carolien Gaarthuis (FEF)
Thais Nierop (FHTMS)
Donald Angela (wiskunde)
Clementia Eugene (FAS-Social Work & Development)
Yolanda Richardson (FAS-OGM)
E anochi tabata dirigi riba e studiantenan y a wordo organisa pa studiantenan, unda tabatin poesia y reflexion. E Rector Glenn Thode a enfoca riba e balor di studiantenan pa duna un contribucion na ciencia y comunidad, ya cu esaki ta yuda desaroyo di Aruba. Alabes el a aplaudi e iniciativa pa duna reconocimento na e studiantenan cu ta contribui na comunidad.
Rector Thode a bisa cu e ta spera cu tur e studiantenan lo sigui riba e caminda di desaroyo, durante nan estudio y despues,pa sigui mehora conocemento y brinda servicio na comunidad. “Ora cu gara e oportunidad pa educacion superior, no ta solamente traha fundeshi propio, pero ta yuda forma un nacion mas excitante, uno mas desaroya y uno mas ilumina,”.
Danki special ta bay na tur e sponsornan:
SETAR, Aruba Bank, Gianni’s Group Nv, CATC, VanEps Kunneman VanDoorne, Gravenstijn Marchena Griffith Advocaten, NAGICO, RBC Royal Bank & Playa Linda Hotel. Muy especial nos MC di e anochi Kimberly Dowers y Michelle Lont, Studentraad (SUA) y e Office of Student Affairs