Tyson & Friends vs comediantenan di Corsou cu tremendo comedia den Cas di Cultura

Proximamento Tyson Croes lo ta dunando un presentacion un comedia den Cas di Cultura, entre Aruba cu Corsou.

Dia di 5 di april, den Cas di Cultura pa prome biaha Aruba contra Corsou, un comedia cu actornan di taya, tanto di Aruba como di su grupo Tyson & Friends. Bashaka Janga tambe lo t’ey pa pone e publico hari te lora abao.

Di Corsou lo t’ey Loloi, Echo y tambe Chokoi. Ta bay tin un tremendo comedia. Lo topa nan cara a cara pa prome biaha. Aruba ta cla pa esaki. Diabierna dia 5 di april ta bay ta un anochi grandi den Cas di Cultura.

E comedia aki lo conta cu’n total di 8 persona, consistiendo di Tyson & Friends hunto cu Bashaka Janga. Carchinan lo ta obtenibel na Citgo Essoville como tambe Citgo Boulevard pa solamente 35 florin.

Aruba, ban apoya nos comediantenan, bin pasa un rato agradabel di comedia, di Aruba vs Corsou. Aruba por spera algo grandi di parti di e comediantenan di Aruba.

No ta bay tin carchi obtenibel na porta. Ta bay tin un solo show, mirando cu e comediantenan di Corsou ta regresando Corsou diasabra mes, mirando cu nan tin un presentacion diasabra anochi na Corsou.

Tyson ta invita un y tur pa no perde e tremendo comedia aki. Bin apoya nos comediantenan local, bin hari bay off!

 

 

Comments

comments