CANTON, China- Tyfon Hato a subi tera diaranson merdia den e ciudad Zuhai, provincia di Canton. El a trece cun’e bientonan di horcan di hasta 160 km pa hora y tambe precipitacionnan.
Cuatro persona a muri na Canton y un persona ta desapereci, 27 mil persona evacua. E otro tres personanan registra ta den e ciudad autonomo di Macao.
Cerca di dos miyon di hogar y establecimentonan a sufri e corte den suminsitro di coriente debi na dañonan sufri pa e red di suministro.
Ademas, autoridadnan a emiti alerta riba e riesgo di inundacionnan y deslisamento di tera debi na e awaceronan torencial.
Seis barco a lansa avisonan di emergencia den e waf fi Rio Perla y e servicionan di rescata e salba 118 tripulante, segun e agencia oficial Xinhua. El a agrega cu casi 12 mil boto piscao a keda mara den henter e region.
E yegada di e tifon a wordo ricibi cu preparacionnan importante, manera e ceramento di scolnan y hopi luganan di trabao den e sur di China, un di e zonanan mas pobla y di mayor importancia industrial di e pais.
E Bolsa di Hong Kong no a habri debi na e alerta 10 (maximo) emiti pa autoridadnan di e ciudad.
Fuente: http://www.noticiasrcn.com/internacional-oriente