MERCA – E Red social Twitter a suspende temporalmente e anochi di diamars e cuenta di su cofundador y director general Jack Dorsey, debi na “un eror interno.”
E cuenta di @jack a keda inhabilita durante mas of menos 15 minuut, impidiendo cu e internautanan por lesa e tweetnan publica pa Dorsey.
E mesun Dorsey a splica den un mensahe colga tras di e reestablecimento di e servicio cu e interupcion tabata pa “un eror interno.”
“Instalando mi (aplicacion di ) twttr (sic)… un biaha mas (e suspension di e cuenta tabata un eror interno),” e cofundador di e compania a skirbi.
E departamento di comunicacion di Twitter no a responde na e preguntanan di AFP riba e problema.
E incidente ta coincidi cu e dificultadnan cu e empresa ta atravesando pa aumenta su audiencia y defini un modelo economico, 10 aña despues di su creacion.
Dorsey a bin bek aña pasa pa tuma e riendanan bek di Twitter, pero ainda no a concreta e resultadonan di e crecimentonan spera.
E compania a anuncia un luna pasa un plan pa recorta un 9% di puesto di trabao riba nivel mundial tras di un trimester fiscal decepcionante, mescos cu e salida di su hefe di operacion Adam Bain.
Fuente: NTN24