DEN HAAG, Hulanda – Tweede Kamer a tuma despedida di Diederik Samsom diamars. E lider saliente di PvdA a dicidi siman pasa pa ruim op e veld despues cu el a perde e eleccion di lider di partido contra Lodweijk Asscher.
Un gran parti di Kamer y tambe pa prome minister Mark Rutte y minister Ard van der Steur, a duna Samsom un ovacion. Den su palabranan di despedida, Samsom a bisa cu e ta gradicido pa tur su añanan como miembro di Parlamento.
E presidencia di e fraccion lo wordo yena pa e miembro di kamer Attje Kuiken, cu desde aña pasa, tabata number dos di e fraccion.
E miembro di conseho di gemeente Amsterdam Emre Unver, lo sigui Samsom den e proximo lunanan como miembro di Tweede Kamer. Unver, kende diaranson lo wordo huramente, lo combina su trabao den Parlamento como esun di e conseho di Amsterdam.
Fuente: ANP