DEN HAAG, Hulanda- Ministernan Plenipotenciario di Aruba, Corsou y St. Maarten a wordo invita door di e comision di Tweede Kamer pa Asuntonan di Reino pa un reunion tocante e concepto ley ‘Koningkrijksgeschillen’.
E reunion, cual lo tuma luga dia 29 di mei, lo conta cu e presencia cu Anthony Begina, Guilfred Besaril, Jourien Woute, despues di cual lo sigui un audiencia unda cu cinco experto lo comparti nan vision riba e geschillenregeling cu e miembronan di Tweede Kamer. Ta trata di prof. dr. Hirsch Ballin, prof. dr. Arjen van Rijn, prof. dr. Gert Oostindie, prof. mr. Gerhard Hoogers y mr. Gobar Karapetian.
E ministernan Plenipotenciario sigur lo haci uzo di e oportunidad aki pa enfatisa nan obhecionnan di nan respective gobierno y parlamento contra di e concepto di ley aki. E paisnan ta di opinion cu e regeling aki, na manera cu Knops kier introduci’e ta inaceptabel ya cu e no ta cumpli cu e principionan acorda previamente.
