Diamars pasa di 12 or merdia unidadnan di ambulans cu urgencia ta keda manda pa Mangel Halto unda lo tin un persona a hoga den lama. Manera e prome unidad di ambulans a yega ta topa cu un homber no ta reaccionando mas. Ta un grupo di persona riba kayak cu a drenta accion ora a mira un señora ta grita den lama pidiendo ayudo unda el a bay snorkel cu su casa y diripiente e homber a stop di move. E personanan a logra saca e curpa cu no ta reacciona for di lama mes ora. Mas unidad di ambulans a presenta, e OVD y hasta e hefe pa duna un man y sigui cu e reanimacion pero sin ningun resultado di pulso. A notifica polis y autoridad competente pa presenta na e sitio. pa 1:15 merdia dokter Texier ta constata morto di e turista K.J 25-12-1969. Paz na su restonan.