ISTANBUL, Turkia – Turkia kier reintroduci pena di morto. Presidente Erdogan a declara diasabra cu su Gobierno a prepara un concepto di ley den e direccion cu pronto lo wordo entrega.
“Mi ta pensa cu Parlamento lo bay di acuerdo cu e ley aki y cu ami, manera cu ami a trece dilanti, lo bay firma esaki,” segun e hefe di estado den un discurso na Istanbul cu a wordo transmiti pa television Turco.
Desde e golpi di estado fracasa di dia 15 di Juli, Erdogan a boga den varios ocasion pa e pena di morto pa e golpistanan y nan complicenan.
Parlamento Turco a schrap e pena di morto na 2004 durante e preparacion riba e deliberacionnan pa e drentamento den Union Europeo. E Union a laga sa cu di para cu tur dialogo si Turkia reintroduci e pena.
Fuente: ANP