Diasabra pasa di 3:30 atardi turistanan na Aruba Beach Club a tuma nota di un persona boca abou den e pool y a grita pidi ayudo mientras otro a drenta e pool pa saca e persona cu lo tabata hogando. E persona a confronta problema den e pool y por poco a perde su bida y reaccion rapido di e personanan a scapa su bida unda a cuminsa cu reanimacion. Ambulancenan a presenta di biaha y a cuminsa atende cu e homber cu ta un turista cu a caba di yega Aruba y a stabilise y a keda transporta pa hospital mientras cu su salud no tabata 100%.