Turista tira den cabes durante robo ta fayece

PHILIPSBURG, St. Maarten- Ministerio Publico di St. Maarten ta investigando e tiroteo fatal di un turista Canades, cual a tuma luga dia 5 di juni ultimo, durante un robo, caminda cu e turista a haya un tiro den cabes. E turista, Sylvian Valade, di 48 aña, a fayece diabierna ultimo den un centro di trauma na Miami.

E incidente a tuma luga diaranson anochi, pa mas o menos 11 or y 10, den e area di Maho Beach. E tabata canando hunto cu su yiu muhe ora cu el a wordo acerca pa e atracador, y despues di a bringa un rato, e atracador ta tira e turista victma, pa despues huy for di e sitio.
Polis y paramediconan a wordo manda di biaha pa e sitio, unda cu e victima a worod transporta pa hospital pa tratamento medico. Pero e victima a wordo transporta cu urgencia pa Miami, unda cu e ta bin fayece.
Gobierno a yama e incidente aki un “acto d violencia sin sentido, caminda cu St. Maarten semper tabata un pais amicabel, hospitalario y acogedor, y semper nos lo sigui wordo guia pa e principionan aki.

Autoridadnan ta haci apelacion na cualkier testigo cu por tin informacion relaciona cu e caso aki, pa bin dilanti na bienestar di e investigacion.

Comments

comments