Turista ta cay kibra heup

Central di Polis ta manda un patruya pa Marina Pirata pa un señora di edad cu lo a cay na awa, door cu el a bira malo. E patruya di Santa Cruz cu tabata den cercania a bay pa e sitio. Na altura di Mangel Halto oficialnan ta topa cu e señora di edad avanza cu tabata sinta ariba un stoel di lama, y tabata wordo atendi pa personal di Medicare, tanten cu ambulance ta yega. E señora a declara cu e tabata para na canto y cu door di biento duro e ta perde su balans y ta slip, dal su heup robes na e piedranan. E ta wordo yuda pa su casa P. y personanan den bisindario. El a bisa polisnan cu e tabata un nurse di ER (Merca) y cu e ta sospecha cu e lo a kibra su heup robes. El a sigui bisa cu el a yega di kibra su heup caba un biaha. E señora tabata tin un pia mas grandi cu otro y cu e dolor tabata insoportabel. E personal di Medicarea pone e señora na infuus. Brandweer tambe a yega na e sitio pa brinda asistencia.Un rato despues ambulance ta yega y ta transporta e turista pa hospital pa tratamento medico.

Comments

comments