Durante patruya agentenan policial ta bin topa cu un Mitsubishi Lancer color shinishi, V- 3690 cual porta patras di banda di chauffeur tabata habri. E auto aki tabata para ariba un parkeerplaats di santo panoord di La Trattoria Faro Blanco Restaurant. E porta habri a hala atencion di e agentenan policial pa cual a baha bay wak. A controla e auto, pero no tabata tin señal di ningun daño. Den e auto no a haya ningun articulo di balor. A controla den e dashboard unda cu a haya e passpoort di un ciudadano Americano. En conexion cu esaki polisnan a bay na e restaurant sperando di haya e ciudadano Americano aki. Polisnan a haye den e restaurant y a splike e situacion pa cual el a cana bay cu polisnan na e auto, hunto cu un miembro di su famia. El a conta polisnan cu el a laga un camera y un rugtas den e bahul di e auto, prome cu nan a baha na e restaurant. Despues di a controla a bin constata cu e no tabata haya falta di nada. E ta pensa cu kisas un miembro di su famia lo a laga e porta di auto habri.