London, INGLATERA- Un muhe Rumano, cu a cay den e riu Thames durante e atakenan riba e brug Westminster na London a fayece diabierna. Andreea Cristea, di 31 aña, ta e di 5 victima fatal di e atentado efectua dor di Khalid Masood dia 22 di Maart ultimo.
E atacante a subi e brug Westminster, pasando auto riba e multitud y despues a purba drenta Parlamento Britanico unda el a hinca un polis mata. E atacante a wordo tira mata door di polisnan cu tabata encarga cu e siguridad di Parlamento.
Cristea tabata cu vakantie cu su comprometido Andrei Burnaz pa asina celebra e hacimento di aña di Burnaz cu tabata planea di pidi Cristea pa casa e dia ey.
Despues di a pasa mas di dos siman den hospita, Cristea a fayece diabierna.
Fuente: www.bbcmundo.com