Riba caminda principal di Savaneta pa Pos Chikito otro banda di isla di oro un turista coriendo riba un scooter bayendo pabou a slip dal abou debi na santo riba caminda y a herida su curpa. Personanan cu a mira e situacion a baha pa duna un man y raporta na Polis. E turista herida na prome instante no tabata desea di ambulance debi na e suma cu ambulance ta cobra, pero na final e no por a wanta e dolornan fuerte y a opta pa ambulance presenta tog y aki paramedico a atende cune. Polis di trafico a tuma dato di e accidente.