Diamars mainta prome cu 12’or merdia personanan a mira un turista ta confrontando problema den e boca di Baby Beach unda lama ta bira bruto, di biaha hendenan a cuminsa bay den e direccion di e persona y bin cune na canto. Polis, ambulance y brandweer a keda dirigi di biaha debi cu a haya informe cu ta sacando un persona cu tabta drif.
Pero e persona a lucha asina hopi cu e ola te cu el a cansa y a sintie poco malo den awa, ambulance a presenta di biaha y paramedico a brinda asistencia medico. Polis y brandweer tabata presente pa cualkier eventualidad. Por a tuma nota cu di berdad e lama net n’e boca di Baby Beach tabata basta bruto cu olanan cu ta kibra den e entrada.
