Diaranson mainta na e crusada altura di super food riba Sasakiweg a keda registra un accidente fuerte pa falta di preferencia. Polisnan, ambulance y unidad di brandweer a presenta di biaha. Tabata tin solamente persona leemente herida y un mucha chikito.
Polis di trafico a constata cu e turista den e suzuki a sali for di pabou di caminda pasa den luz cora dal den e hyundai getz basta duro. E getz tabata bin for di nort riba Sasakiweg pa direccion zuid.
E problema ta cu e turistanan ta custuma di wak e luz di trafico semper otro banda di caminda nan no ta wak esun banda drechi of robes pega cu e liña cu nan ta para y esaki semper ta causa di accidentenan fuerte. Ta un tarea pa car rentalnan cuminsa na splica turistanan tambe cu na Aruba e luznan di trafico ta otro compara cu merca.