Na Baceló Hotel diadomingo pasa di 12’or marduga a sosode un incidente caminda un turista femenino a cuminsa grita manera alma malo pa tur hende scuch’e y a menciona cu el a keda agredi y mishi. Siguridad di e hotel a bati alarma na autoridad di e situacion.
Patruya a presenta di biaha na e sitio y un rato por a confirma cu ta e mesun señora problematico y por a comproba di biaha cu esaki no tawata e caso. Turista a keda transporta pa warda di polis pa sosega e curpa y siguiente dia e bay bek su pais debi cu e tin un vuelo pendiente.
