Diamars atardi un otro caso di hogamento a keda registra dilanti di Holiday Inn den lama, unda un homber turista den careda di 70 aña a confronta problema den awa. Personanan a saca a persona for di awa y cuminsa cu reanimacion.
Ambulance y polis a keda dirigi cu urgencia pa e sitio, mientras e personanan tabata reanimando e homber. Polis a presenta y mira e situacion y a cuminsa papia cu e señora pa saca afo kico a pasa y a pone slachtofferhulp na altura.
Paramediconan a traha duro basta rato pero no a logra haya ningun pulso y a notifica dokter pa constata morto.