Diasabra anochi polis a keda informa cu un turista no ta dunando señal di bida den e pool di Renaissance Ocean Suites. Di biaha a despacha unidad di ambulance y polis. Na yegada di paramedico a cuminsa cu reanimacion pero mucho no por a haci. Di biaha a notifica dokter y departamento forensico pa presenta na e sitio. Pa 12:15 am dokter Texier a constata morto di e turista femenino nacionalidad Mericano. 79 aña. Causa di e morto tabata cu e turista a hoga den e pool. Personal di slachtofferhulp a presenta pa asisti e famia.