Dialuna merdia centro di alarma 911 a haya yamada di turista cu nan a bolter cu utv y un señora ta basta herida cu fractura serio na su pia, pero nan ta e caminda pa conchi, esaki a pone cu tanto ambulance conhuntamente cu e rapid responder y polis a keda dirigi pa entrada di parke arikok. E park rangernan mes no tabata na altura y a cuminsa mobilisa nan team pa busca den bisindario pero sin ningun resultado. Despues di rato un hende local pasando e caminda di Bushiribana a keda para pa un turista cu ta pidi ayudo unda nan a bolter e pariba di Kapel di Alto Vista pasando e santo blanco, pero e persona mes ta confundi y a notifica centro di alarma cu ta pabou di Wariruri. Debi na e caminda ambulance no por a yega eynan y mester a pasa via kapel y asina logra yega na e UTV y a atende cu e señora cu herida serio na su pia y dede. Specialista di trafico hunto cu departamento tecnico di polis tambe a yega na e sitio pa haci investigacion y tuma dato.