Diadomingo, pa mas of menos 3’or y 46 di marduga, Central ta dirigi patruya di Noord pa e lobby di The Mill Resort caminda cu un persona a yega eynan y a bisa cu el a wordo horta. Patruya a papia cu e homber yama C., kende a declara cu e tabata na Olde Molen y cu e lo tabata buscando un lift pa bay su hotel. Eynan el a topa cu un grupo di persona kendenan kier a dun’e un lift pa bay Casa del Mar. Ora cu el a drenta e auto, un di e hobennan a saca un arma y a pidi e homber pa su holoshi y pa placa. Ora cu e homber a bis’e cu e holoshi ta uno di 150 dollar y cu e no tabata tin placa cun’e, el a sali di biaha for di e auto y a cana bay direccion di front desk di The Mill Resort pa busca ayudo. E hobennan a purba pa gana e homber den e auto, pero nan no a logra. Parce cu tabata trata aki di un Honda preto cu bentananan getint, pero e no por a mira e plachi di number.
Patruya a baha C. na e hotel caminda e ta kedando. Central a wordo poni na altura y na su turno a alerta demas patruyanan.