MILAN, Italia – Un turista Ecuatoriano a ricibi un citacion door di skirbi e nombernan di su yiu y casa y “2017” dentro di e Coliseo di Roma, polis Italiano a informa diamars.
E alcaldesa di Roma, Virginia Raggi, a critica e vandalismo y a bisa riba Twitter: “Roma merece respet. Ken cu daña e Coliseo, ta daña tur e Romanonan y tur esnan cu stima e ciudad.”
E mayor di e carabineronan Lorenzo Iacobone a bisa cu e turista a wordo mira door di un guia, ora cu e tabata skirbiendo riba e muraya y a reporta esaki na polis.
Awo ta coresponde na un hues pa determina e castigo. Den pasado, turistanan cita pa profana luganan ancestral a ricibi multa di hasta 20 mil Euro (21 mil dollar).
Gremionan a keha riba e falta di personal pa preveni cu bishitantenan ta bin maltrata luganan historico.
Fuente: Associated Press