Dialuna pasa di 2’or atardi personanan a tuma nota di un turista di edad cu a confronta problema den lama y a saca e persona di biaha y a cuminsa cu reanimacion debi cu e turista no tabata reaccionando. A yama ambulance cu urgencia unda unidadnan di ambulance a keda dirigi pa e sitio y paramediconan a presenta y sigui cu e reanimacion. Polis tambe tabata presente pa ponenan mes na altura di e sucedido.
Paramedico a pone mashin na curpa di e persona pa e shocknan necesario cu ta keda duna momento di reanimacion pero despues di varios intento no a logra haya nada di pulso y no a keda nada otro di yama dokter pa constata morto.
Funeraria tambe a keda notifica pa presenta y asina busca e curpa sin bida, slachtofferhulp tambe a keda poni na altura pa asina brinda asistencia na e famia.
