Na e t-weg banda di palm beach plaza diamars anochi a sosode un accidente entre un jeep y un brommer. Ta asina cu e jeep lo a subi caminda y dal den e brommer lagando un dama herida benta abou. Polisnan a yega basta lihe na e sitio y hasta polis di trafico. Ambulans tambe tabata na e sitio unda paramediconan a haya ayudo di personanan cu tabata pasando. E dama tabata herida benta abou y a keda atendi rapidamente y asina poni riba cama pa despues ambulans a hiba e victima pa hospital. Polis di trafico a haci nan investigacion y tuma dato di testigonan cu a mira loke a pasa.