Cuerpo Policial Aruba ta informa di e caso diabierna mainta unda pa 10:20 central di polis ta haya yamada cu un turista lo a haya problema den lama durante cu e tabata scuba dive dilanti Boca Catalina. Patruya di Strand a yega di biaha na e sitio y ta topa cu personanan ta reanimando e persona y ambulans a yega algun rato despues y sigui cu e reanimacion. Cu urgencia a hiba e victima pa hospital y pa 11:35 am dokter Panday a constata morto di Anthony Liotto naci na New York 29 Juli 1957. Slachtofferhulp a yega na e sitio pa asina guia y sostene e famia den e momentonan dificil.