Durante patruya rutinario anochi, na altura di Turibana, polis a wordo acerca pa dos hoben, kendenan a conta cu nan a mira e adicto ambulante yama VI, miho conoci como Dun, a cana drenta su cas na Turibana cu un tas yena cu articulo. Hunto cun’e tabata un otro homber. Polis a bay tira un bista y a topa I. en berdad den cura y hunto cun’e un otro homber, kende a bisa cu e yama F. for di Canada, kedando na Del Rey Appartments na Kamay. F. F. a drenta como turista na Aruba y riba su mes el a bay Yen Yen bar y a topa I. riba caya. I. lo a brind’e mas cerces, cu el a laga na su “cas”. F. claramente tabata riba e momento robes na e luga robes. Polis a nota tambe un tas blanco cu aden paña di dama y sapato. I. a declara cu un rato prome el a haya esaki y despues cu a puntre un biaha mas di unda e tas ta bin, el a contesta cu el a haya e tas aki na canto di caminda den un bari.
Ta mustra cla cu e storia tabata inconsistente y increibel. Sinembargo no tabata suficiente pa por a detene riba sospecho di un delito y a lag’e na paz. Polis a pidi F. urgentemente pa bay cu nan pa asina por a hib’e bek na Del Rey Appartments, cual a wordo haci tambe. Polis a bandona e sitio pero lo keda tira bista riba esaki. Central a wordo poni na altura.