Central di polis ta manda un patruya pa un hotel high rise pa un persona cu tabata haciendo fastioso. Na e sitio oficialnan ta papia cu e personal di siguridad kende ta conta polisnan cu tin un homber bieu burachi ta haciendo fastioso. E meneer en cuestion no tabata kier a bay den su camber. Polisnan a bay na e camber en cuestion unda cu e homber tabata para pafo di su camber. E no tabata por a para ariba su pianan y tabata papia cu lenga pisa. E cabayero aki a duna su nomber H.K. y tabata turista hospedando na dicho hotel. E tabata cabesura y no tabata kier a scucha di polisnan. Door cu e tabata un persona ya caba di edad a logra pa el a drenta den su camber. Asina trankilidad a reina bek den e hotel. Central di Polis a wordo poni na altura.