Diasabra den careda di 10or anochi net na e salida di loke ta costa linda pa Eagle Beach un turista den un hyundai i10 a dal den un auto shinishi y a bandona e sitio. Un automobilista cu a mira e accidente a core tras di e hyundai blauw y informa polis di biaha.
Patruyanan di Strand a presenta di biaha y topa cu e auto y e homber cu tabata core e auto. E auto di berdad tabatin sla na banda drechi y e spiel destrui. A constata cu e homber ta basta bebi y a keda deteni pa core auto burachi. Vehiculo di transporte a presenta y bay cu e detenido warda. Polis di trafico tambe tabata presente pa tuma dato di hit & run.