Turista atraca den caya di San Nicolas

Diahuebs den careda di 4:40 marduga un turista masculino canando na pia direccion pa warda di Polis a keda para pa Polis. El a comenta e oficialnan cu desconoci arma a atrake den cayanan di San Nicolas. Mientras cu e tabata warda su amigo den auto dos homber color scur cara tapa y arma a bula den e auto y pone arma di candela tras di su cabes. E hombernan a pone core e auto y na mitar di e caya nan a maltrate y pushe bente for di e auto y a los un tiro.

E victima a informa autoridad cu un di e atracadornan tabatin dread locks y bisti cu trainingspak shinishi y un petchi. E otro atracador tabatin tin un polo shirt roos bisti , jeans. E atracadornan mes a sigui bay cu e auto un toyota yaris shinishi y nan ta papia ingles. Asina a notifica atraco team y slachtofferhulp.

Diahuebs mainta Polis a bin haya e auto staciona banda di un supermarket na Bernardstraat y a tuma e vehiculo den beslag.

Comments

comments