Diamars prome cu 3’or di atardi personanan a reporta na autoridad cu tin un hende a sali foi lama y a cay riba baranca y ta herida na Boca Catalina, di biaha a mobilisa polis y ambulance poco pura debi cu tabatin turista den e area.
Rapid Responder di ambulance a presenta di biaha y aki e paramedico a brinda asistencia yuda e señora cu a aserke, a tuma nota di kap na su cabes y tabata herida. E turista poco cansa, a trompica durante cu e tabata cana y e cara a cay riba un barancanan skerpi cu tin. Polis tambe tabata presente pa pone nan mes na altura di e situacion, ya cu na prome instante no sa kico por a pasa.
