Dialuna atardi riba e caminda di Sabana Basora un dama turista coriendo un UTV a perde control y dal den cura di un cas y a destrui dos meter di awa, lagando dos cas sin suministro di awa e momento ey. Debi na e impacto e dama a resulta levemente herida. Polis di trafico a presenta n’e sitio y a mira e situacion y a solicita ambulance pa atende cu e turista herida.
Segun e turista e stuur di UTV a bira duro y a pone cu el a perde control baha caminda y asina accidente. Polis di trafico a mira e marca riba caminda, y lo investiga e accidente aki.
Personal di Web a keda poni na altura rato despues pa e situacion di e awa cu tabata core riba caminda.