Diasabra marduga central di polis ta haya un yamada cu un auto v-car lo a dal riba e rotonde di Hato. Un patruya di Noord ta bay na e sitio y ta topa cu un Hyundai Accent blauw v-car cu lo a dal basta duro den e pida muraya di e rotonde.
E chauffeur a bisa polis cu cansancio lo a hunga un rol y a admiti di a dal dos drinks. E chauffeur no tawata herida. E auto tawata bin di abou y yegando e rotonde e auto lo a baha caminda dal e spiel den un palo di lus pa sigui bay pega riba e rotonde. Polis a tuma dato y a detene e chauffeur pa core auto bow di influencia di alcohol. Dow a presenta pa basha santo riba caminda ya cu tawata tin hopi azeta riba caminda.