Diahuebs pa 2’or atardi polis y ambulance a keda dirigi pa Baby Beach pa un turista cu problema den lama. Na yegada di patruya policial cu tabata cerca a tuma nota cu e persona no ta reaccionando y a solicita ambulance cu sumo urgencia y hasta brandweer a keda poni na altura. E agente policial a drenta lama pa saca e turista cu yudansa di empleadonan di jads. A cuminsa cu e reanimacion. Paramediconan a sigui cu e reanimacion y lamentablemente no por a haci nada pa e turista masculino.
Pa 3:55 dr Texier a constata morto di e homber Slusky di 78 aña di edad.
Slachtofferhulp a presenta pa brinda sosten na e famia di e fayecido.