Diasabra merdia riba e caminda di Arashi pa Light House un turista masculino a perde control cu quadracer y a bolter drenta mondi den e birada skerpi. E homber a dal den tur e matanan di hubada y cadushi y a resulta herida cu fractura na curpa.
Polis y ambulance a keda dirigi cu urgencia p’e sitio. Paramedico di biaha ta atende cu e homber turista herida y a haya ayudo di polisnan pa asina lanta e homber for di vloer y pone riba cama. A stabilise n’e sitio y a transporta e victima pa hospital pa atencion medico avansa. Polis di trafico tambe tabata presente.