Diadomingo den careda di 11 or mainta riba e caminda di Bushiribana tabata tin un grupo di turista coriendo den un UTV Buggy. Pero algo a bay robes cu un pareha turista den un di e utvnan y a perde control y bolter. Un persona a keda levemente herida y e otro mas herida cu fracturanan serio na dede. Polis di trafico y di Santa Cruz a presenta di biaha na e sitio pa tuma dato. Ambulans a presenta unda paramedico di biaha a brinda asistencia medico. E victima a keda transporta pa hospital pa haya atencion medico avansa.