Diabierna merdia e caminda di Bushiribana direccion pa beach di Wariruri un turista femenino a perde control cu quadracer y consecuencia a dal abou y herida su curpa. Polisnan y ambulance a keda dirigi pa e sitio.
Patruya cu a presenta prome y a topa cu e accidente net na e bahada e accidente a pasa, ambulance a presenta algun minuut despues unda paramediconan a brinda asistencia na e victima. E señora debi cu e tabata poco pisa a busca un manera pa baha e ambulance, debi pa carga e brandkart tabata dificil. A logra di pone e ambulance mas cerca y asina paramedico a bay cu e victima pa hospital. Polis di trafico tambe tabata presente pa tuma dato.