Diamars prome cu 2:50 marduga autoridad a keda informa cu riba JE Irausquin blvd entre Dutch Village y Tamarijn hotel tin un accidente pisa.
Di biaha a mobilisa patruyanan cu sumo urgencia y na yegada di polis ta topa cu un kia rio riba su dak y un pal’i luz ranca, a cera full e caminda di biaha. Polisnan a cana bay n’e auto y topa cu un homber pega den e auto no ta reaccionando y a pidi yudansa di brandweer y ambulance cu urgencia.
E unidadnan a presenta di biaha y a saca e chauffeur fo’i den e auto, pero deni n’e impacto fuerte a fayece n’e sitio mes.
Depertamento tecnico y specialista di trafico a presenta di biaha pa haci nan investigacion. Slachtofferhulp a presenta pa atende cu e caso debi cu ta trata di un turista. Alto comisario a presenta pa pone su mes na altura di e accidente.
Pa 03:25 dr Texier ta constata morto di e homber Giuseppe PAPAGNI naci 24 maart 1987 (36 aña) na Italia.
