Dialuna den oranan di merdia na costa Nort poco pariba di pakel di Alto Vista turista riba un atv/quadracer a perde control y a bolter cu e vehiculo aki. E turista a haya basta sla na su curpa, y a pidi polis y ambulance presenta cu maximo urgencia.
Na yegada di unidad policial a topa cu e situacion, y ambulance a presenta algun rato despues. Paramedico a brinda asistencia di biaha n’e victima y a keda transporta pa hospital.