En berdad cu 2016 e turismo a cay pero esaki ta bin di Venezuela so mirando loke ta pasando na e pais pa cual Sra. Ronella Croes CAO di ATA ta wak toch cu otro mercadonan a cuminsa crece.
Sra. Croes a splica cu e ta keda un topico dificil. Pa cuminsa, pasobra hopi biaha loke ATA ta purba di haci ta di pone den contexto. Ora cu mira cifra di volumen di bishitante, ta wak cu enberdad Aruba a conoce un caida rond di 14% y e aña aki tambe, ta wak un caida. Pa loke ta resta di aña, lo sigui mira e caida aki. Esaki ta debi primariamente, na e mercado di Venezuela.
E tarea di ATA, hunto cu su socionan, nan tarea principal ta pa zorg e strategia pa compensa e caida di Venezuela, pa esey cana den bon direccion. Y ora cu mira resultadonan, excluyendo Venezuela, por mira toch mercado ta cana bon.
Aña 2016, sacando Venezuela, tur otro mercado a crece cu 3%. Merca a crece cu 1% compara cu e aña prome. E aña aki, ora ta trata e topico di compensa volumen, no tin nada otro di dirigi esfuersonan mas pisa ariba e mercado di Merca. Claro, cu no ta desconta y ta sigui hinca energia den otro mercadonan tambe. Pero Merca ta moviendo hopi bon y ATA tin un meta di 5% di crecemento y e prome dos lunanan ya caba a surpasa e meta. Merca ta moviendo delanta, compara cu e meta poni. Den e sentido ey, segun Sra. Croes, ta sigui cu esfuerso y ora ta wak cifra ta sigui wak Venezuela ta sigui impacta e total di e resultado pa Aruba.
Un otro punto hopi importante, ta ingreso for di turismo. Eynan, ora di bay midi impacto di Merca of di Venezuela , mirando cu Merca tabata practicamente stabiel aña pasa, cu no a logra compensa na e mesun manera cu Venezuela tabata cay. ATA ta contento cu ta mirando progreso ya cu na September lo tin un reunion cu tur partidonan envolvi, unda cu tabata tin un proyeccion di un caida den turismo cu 3%. Pero toch e resultado na final di 2016, registra door di Banco Central toch ta mira cu un resultado na final di 2016 por ta mustrando toch un desaroyo stabiel. Esaki kiermen, cu no a cay cu 3%, pero cu e por ta reflehando un resultado similar na 2015.
E di tres punto clave pa e entrada pa medio di cada camber cu ta registra pa medio di AHATA ta mustrando resultadonan hopi bon pa e prome dos lunanan di e aña aki, y esaki ta un indicador clave cu ATA ta sigui monitorea cu ta mustrando cu e aumento den volumen ta reflehando tambe den aumento den e hecho cu e turistanan ta pagando mas pa camber, y esey kiermen cu e mercado y ingreso ta stabiel. Esey ta indicador hopi importante. Mester pone tur e resultadonan den contexto.
Aruba ta un producto turistico madura y e enfasis cu ta pone den producto, cu ta pone den mehoracion di e aspectonan, manera proteccion di naturalesa. Esey segun Sra. Ronella Croes, CEO d ATA, ta puntonan cu mester mas atencion y esey ta loke ta haciendo tambe.