Diamars anochi den parlamento di anochi Partido MEP, POR y RED a entrega tres mocion hunto unda e parlamentonan a reuni y trece 27 punto pa e minister traha riba esaki y 12 parlamentario di e parti den coalicion a vota PRO y a haci cu tur 3 mocion a keda pasa den parlamento. Un reunion di oranan largo for di mainta te cu anochi unda e mandatario a contesta tur e preguntanan di tur parlamentario.
Mocion 4
Pa urgi gobierno pa crea un plataforma nacional di dialogo social entre gobierno y sector di educacion cu participacion di tur esnan envolvi pa por logra consensus y union riba tereno di educacion pa cambionan cu kier wordo introduci. Di forma aki por negocia consulta, comparti informacion y yega na palabracion di forma mas amplio cu partnernan den enseñansa.
Un total di 12 voto Pro y 9 voto contra y asina e mocion aki a pasa
Mocion 5
Pa urgi Minister di Enseñansa brinda tur cooperacion y enfoca riba reapertura di scolnan di acuerdo cu protocolnan estableci, garantisando educacion husto pa un y tur.
Pa Minister di Enseñansa habri e dialogo necesario cu stakeholdersnan prome cu continua e diferente cambio anuncia y proponi entre otro loke ta trata ‘fusie en overnames’ y otro cambionan pa loke ta trata scolnan publico.
UN total di 12 voto Pro y 9 voto contra asina e mocion aki a pasa
Mocion 6
Minister di Enseñansa pa den dos siman hunto cu stakeholders prepara un plan di maneho unda ta tene cuenta cu tur e condicionnan necesario y cu alabes ta inclui e presupuesto necesario pa garantisa cu tur alumno ta haya les debidamente y ningun ta bay keda laga atras. E nota di maneho y presupuesto mester keda entrega na Parlamento y lo keda trata den reunion publico asina cu parlamento ricibi esaki.
Un total di 12 voto Pro y 9 voto contra asina e mocion aki a pasa.