Ta conoci cu Arubianonan ta gusta bay nan lama cu famia ariba un diadomingo, pa pasa dia cu famia. Ta hiba bebida, cuminda, pasaboca, etc. Pero cuanto di e famianan aki ta pasa henter dia band’i beach y ta laga loke nan a uza atras? Contesta ta mayoria. Esaki tabata e caso algun dia atras, unda cu patruyanan a bin topa cu sushedad na monton banda di nos beachnan.
Durante un patruya di rutina polisnan ta bin topa cu’n monton di sushi consistiendo di resto di BBQ (weso di galiña y spareribs), cup y tayonan di plastic, boternan bashi di cerbes y bebida sterki, cahanan di cerbes bashi. Henter e area di e beach tabata yena cu sushi como tambe e matanan di druif band’i beach banda di Costa Linda.
Ta conoci cu e sitio aki ta hopi bishita riba diadomingo. Resultado di e fiestamento, hang around y e asina yama ‘chill’ rond di auto y bou di e matanan di druif, tabata yen di sushi cu a keda atras.
A pone Chef van Dienst como tambe Chef di Districto di Noord na altura di esaki.