Relaciona cu celebracion di Dia di Obrero dialuna awor dia 1 di Mei 2017, Fuels Marketing & Supply Aruba (FMSA) ta anuncia cu tur stacion di gasolin lo ta cera, manera ta custumber caba. Pa e stacionnan cu ta opera 24 ora pa dia, esey ta encera cu diadomingo manece dialuna lo cera pa 12or di anochi y lo permanece cera te diamars pa 6or di mainta. Ta corda tur automobilista pa probecha y yena nan tanki for di diadomingo caba, pa evita cu ta keda sin combustibel riba dialuna.