E Comision di Vuurwerk ya caba a cuminsa cu nan reunionnan pa cu benta di klapchi. Esaki a cuminsa na comienso di aña y a sigui den transcurso di aña, pa wak con e aña pasa a bay y kico ta e partinan cu mester mehora pa e aña aki. Sr. Ferdinand Ponson, vocero di Cuerpo di Bombero ta amplia
A traha un rapport tocante e cambionan den e benta di klapchi pa e aña aki. Pa cuestionnan legal, e cambionan legal no a keda cla ainda. Esey kiermen cu tur cos lo keda mescos cu aña pasa, dus e midinan, e mesun reglanan di aña pasa ta keda valido. Y tambe atende cu tur e bendedo y rebendedonan di vuurwerk e aña aki.
E rebendedonan a keha cu ya caba e reglanan di bendemento di klapchi ya caba ta basta estricto, pa cual Sr. Ponson a splica cu pa loke ta vuurwerk, no tin regla demasiado estricto. E ta algo cu mester tene cuenta cun’e, pa siguridad di nos pueblo. Tin hendenan cu ta bende y no ta haci esaki den forma responsabel, cu ta uza e vuurwerk den un forma no responsabel. Ta tene control ariba esaki y mehora e control ariba esaki.
Un di e reglanan cu lo kier bin cun’e, ta 10 m rond di e container, no mag di tin nada rond di dje. Dus, edificio, caminda, e no por ta un kabel hoogspanning. Ta purba di tene mas precuacion posibel den cualkier scenario posibel. Ta purba di controla esaki mas miho, y pa tene e pueblo safe den cualkier cos cu por pasa.
For di 2012, e maneho di vuurwerk ta publico. A splica e doñonan di supermercado tocante e reglanan tocante esaki. Den caso cu tin luganan cu no ta cumpli cu e distancia for di e edificio y e caminda, ta cera esaki temporario, pa asina nan por pone e container manera e mester ta, of pone otro caminda pa nan por sigui cu nan benta. Si nan viola un regla grandi, lo cera e container definitivamente.
Sr. Ponson a sigui bisa cu e Comision di Klapchi a reuni tocante comerciantenan cu no a cumpli cu e reglanan aña pasa, nan no mag di benta e aña aki, pero e ley mes no ta cla ainda. Esey kiermen cu no por tuma niun medida contra di esaki, pa cual lo mester warda te ora cu e ley ta cla. Tin hende cu ta tene extra cuenta cu tur cos pa no viola niun regla. Di e manera aki nan sa di e importancia di vuurwerk bieu, pa no bende esaki, ya cu no sa cuanto biaha el a wordo pasa di container pa container. Cada biaha cu handle cu e vuurwerk, tir’e pa otro, e maniobranan aki ta bira peligroso pa uza contra dje, ya cu e polvonan ta bira menos calidad. E ta bira peligroso ya cu no sa kico esaki ta bay haci. Esaki ta wak cu e aña cu a caba di pasa den e flowerbed cu a rementa den e ultimo añanan. P’esey ta importante pa no bende vuurwerk bieu.
Por ultimo, Sr. Ponson a bisa cu e cantidad di (re) bendedonan di vuurwerk, no por stroba un bendedo di haci esaki. Si te cu awo tin 65 localidad cu a haci peticion caba pa benta di vuurwerk. E vuurwerk cu ta bin cun’e, dia 15 di november nan mag di haci peticion mas. Pa fin di november e containernan di klapchi mester cuminsa yega.