Polisnan a haci detencion di tur e 4 persona abordo di e avioneta cu a crash riba pista di Airport dialuna anochi. No ta pa e motibo di e crash pero ta pa e motibo cu e avioneta HI879 cu a bin for di Haiti sin comunica cu toren di Aruba y no tabatin un plan di vuelo pa Aruba. Si tabata e caso mes cu e mester a baha di emergencia mester a comunica cu toren riba e frequencia di Aruba pero nada.
Ta ora cu toren a mira un luz di pariba basta abou a tuma nota cu algo no ta bon cu un avion ta bahando for di direccion contrario, kermeen di Seri Tijshi pa Mahuma y asina accidenta. Pa 7:02 pm e avioneta aki a aterisa y a cera e pisa di Airport y un daño a keda cometi riba e lista unda un runway light a keda destrui y a pone cu e avioneta a crash cu su dos trein di aterisa a kibra bay aden. Tres persona den e avion di nacionalidad Haitiano y e Piloto ta un Colombiano.
PG di Ministerio Publico, Minister di Husticia y Alto Comisario di Polis tabata presente pa mira e sucedido. A opta pa detene tur cuatro persona unda lo bay investiga kico ta e motibo cu nan a aterisa na Aruba sin permiso. Pa 10:30 anochi pista di Aeropuerto Internacional Reina Beatrix a habri, Airport a drecha e daño di biaha cometi riba e runway banda pazuid y e avioneta a keda hala poni un banda na Airport.